Pienkbal Gholfdag vier 27ste bestaansjaar
Ds. Boshoff saam met Deo Botha, Anton, Hanru en Ruan Kraft wat in die vierde plek geëindig het met 36 punte.
Die wenners van die Pienkbal Gholfdag staan (v.l.n.r.): Niel Matheson, Hermie Kleyn, saam met Ds. Boshoff , PJ Labuschagne en Org Janse van Rensburg.
Ds. Boshoff saam met Deo Botha, Anton, Hanru en Ruan Kraft wat in die vierde plek geëindig het met 36 punte.
SH HATTINGH
24 November 2020
Die organiseerders van die dag wil graag van die geleentheid gebruik maak om al hul borge te bedank, vir die dag asook vir die spelers wat die dag saam met hulle geniet het.
Die Hervormde Kerk Suid-gemeente het op Saterdag, 21 November, weer hul jaarlikse Pienkbal Gholfdag aangebied. Dit is die 27ste jaar wat die gesogte Pienkbal Gholfdag aangebied is. Die spelers het die dag vreeslik geniet, en ten spyte van die koue en die misreën, het die spelers die balle steeds ore aangesit. Daar was ‘n aantal van 130 spelers wat deelgeneem het aan die dag. Pryse vir naaste aan die pen is P. Steyn (putjie 6), A. Oosthuizen (putjie14). Wenners van die IPS Kompetisie was C. Jacobs (derde), L. Du Preez (tweede) en D. Botha (eerste).
Die top drie pienkbalspanne na afloop van die dag se spel was A. Oosthuizen en haar span (derde), C. Jacobs en sy span het met die tweede plek weggestap, terwyl Niel Matheson, Hermie Kleyn, PJ Labuschagne en Org Janse van Rensburg as wenners van die baan gestap het. Die organiseerders van die dag wil graag van die geleentheid gebruik maak om al hul borge te bedank, vir die dag asook vir die spelers wat die dag saam met hulle geniet het.